TAEC yashiriki maonesho ya Nane Nane mwaka 2020

Aug 4, 2020

Tume ya Nguvu za Atomiki Tanzania (TAEC) inashiriki kwenye maonesho ya Wakulima maarufu kama NANE NANE yanayofanyika kitaifa  mkoa wa Simiyu  katika viwanja vya Nyakabindi  na katika mkoa wa Arusha kweye viwanja vya Taso.

Ufunguzi wa maonesho hayo kitaifa umefanyika tarehe moja  Agosti Mkoani Simiyu ambapo Makamu wa Rais mama Samia Suluhu Hassan ndie alikuwa mgeni rasmi  wa maonesho ambayo yanawashirikisha Wakulima,Wajasiriamali,Taasisi mbali mbali za seikali na  za binafsi.

Mkuu wa Kitengo cha Mawasiliano Bw. Peter Ngamilo ameleza kuwa TAEC inatoa elimu kwa wananchi wanaohudhuria maonesho hayo juu ya masuala mbali mbali ikiwemo jinsi gani Teknolojia ya Nyuklia inavyotumika katika sekta mbali mbali hapa nchini.

Bw. Ngamilo amesema kuwa Teknolojia ya Nyuklia inatumika katika sekta ya Maji, Mifugo, Kilimo, Viwanda na Uchimbaji wa Madini na Afya, hivyo ni fursa ya pekee kuweza kuhudhuria katika Viwanja hivyo ili kupata elimu juu ya matumizi ya Teknolojia ya Nyuklia hapa nchini.

Maonesho hayo yanatarajiwa kufungwa kitaifa katika viwanja vya Nyakabindi Wilayani Bariadi Mkoani Simiyu na  Rais wa Jamhuri ya Muungano wa Tanzania Dkt. John  Magufuli tarehe 8/8/2020. Kauli mbiu ya maonesho hayo kwa mwaka huu ni “Kwa Maendeleo ya Kilimo, Mifugo na Uvuvi Chagua Viongozi Bora 2020“.